ഇപ്പോൾ ആരോ​ഗ്യ പ്രശ്നം ഒന്നുമില്ല.സുഖമായിരിക്കുന്നുവെന്ന് ആശുപത്രിയിൽ കഴിയുന്ന ബാബു

 തന്റെ ആരോ​ഗ്യസ്ഥിതി മെച്ചപ്പെട്ടെന്ന് ബാബു. നന്നായി ഉറങ്ങി. ഇപ്പോൾ ആരോ​ഗ്യ പ്രശ്നം ഒന്നുമില്ല. സുഖമായിരിക്കുന്നു. ആശുപത്രിയിൽ ഒരു ബുദ്ധിമുട്ടും ഇല്ല. വീട്ടിൽ നിന്ന് കൊണ്ടുവന്ന ഭക്ഷണം കഴിച്ചെന്നും ബാബു പറഞ്ഞു . ചികിൽസയിൽ കഴിയുന്ന ബാബു ആശുപത്രി അധികൃതർ സംസാരിക്കുന്ന ദൃശ്യങ്ങളിലാണ് ഇങ്ങനെ പ്രതികരിച്ചത് 

പാലക്കാട് ചെറാട് കുമ്പാച്ചി മലയിലെ പാറയിടുക്കിൽ കുടുങ്ങിയ ബാബുവിനെ 43 മണിക്കൂറുകൾക്ക് ശേഷം സൈന്യമാണ് ഇന്നലെ ഉച്ചയോടെ രക്ഷപ്പെടുത്തിയത്.തുടർന്ന് ഹെലികോപ്ടറിൽ കഞ്ചിക്കോട് ഹെലിപാ‍ഡിലെത്തിച്ച ബാബുവിനെ ജില്ലാ ആശുപത്രിയിൽ പ്രവേശിപ്പിക്കുകയായിരുന്നുകേരളം ഇതുവരെ കാണാത്ത രക്ഷാദൗത്യമാണ് ബാബുവിനെ രക്ഷിക്കാൻ നടത്തിയത്.