യുവതിയെ ‘ദിവ്യഗർഭം’ വാഗ്ദാനം ചെയ്ത് പീഡിപ്പിച്ച കേസിൽ ഒളിവിലായ വ്യാജ സിദ്ധൻ പിടിയിൽ

കൊളത്തൂർ ∙ 'താൻ മഹ്ദി ഇമാം' എന്ന് അവകാശപ്പെട്ട് മിറാക്കിൾ പാത്ത് എന്ന യൂട്യൂബ് ചാനൽ നടത്തി വരികയും ദിവ്യഗർഭം ധരിപ്പിക്കാം എന്ന വ്യാജ വാഗ്ദാനം നൽകി യുവതിയെ തെറ്റിദ്ധരിപ്പിച്ച് പീഡിപ്പിക്കുകയും ചെയ്ത കേസിൽ ഒളിവിലായിരുന്ന വ്യാജ സിദ്ധനെ കൊളത്തൂർ പൊലീസ് അറസ്റ്റ് ചെയ്തു.

ഉദിരംപൊയിൽ, കാളികാവ് സ്വദേശിയായ സജിൽ S/o ഷറഫുദ്ദീൻ (ശൈഖുനാ സജിൽ ചെറുപാണക്കാട്) ആണ് അറസ്റ്റിലായത്.

കൊളത്തൂർ പോലീസ് സ്റ്റേഷൻ പരിധിയിലെ വാടകവീട്ടിൽ താമസിച്ചിരുന്ന യുവതിയുടെ പരാതിയിലാണ് കേസ്. അന്വേഷണം ശക്തിപ്പെടുത്തിയ പൊലീസ് സംഘം പ്രതിയെ തിരുവനന്തപുരം നെടുമങ്ങാട്ട് വെച്ചാണ് പിടികൂടിയത്.

അറസ്റ്റിലാക്കിയത്

• സിഐ ടി. പ്രദീപ് കുമാർ

• എസ്ഐ ഷബീർ റഹ്‌മാൻ

• എഎസ്ഐ രാജീവ് മാധവൻ

• സീനിയർ സിവിൽ പൊലീസ് ഓഫീസർ (SCPO) ദീപക് തിരുമുക്ക്

• സിപിഒ ശ്രീജിത്ത് പി.

  എന്നിവരടങ്ങിയ പ്രത്യേക സംഘമാണ്.

യുവതിയെ ആൾത്താമസം, മത അധ്യാപനം, 'ദിവ്യശക്തി', 'ദിവ്യഗർഭം' തുടങ്ങിയ പേരുകളിൽ പ്രതി ചതിച്ചതായി പരാതിയിൽ പറയുന്നു. പ്രതിയെ കൊളത്തൂർ പൊലീസ് സ്റ്റേഷനിൽ അവതരിപ്പിച്ച ശേഷം കോടതിയിൽ ഹാജരാക്കി റിമാൻഡ് ചെയ്തു.