ചൂട്ടുമാലി ബൈബിൾ കൺവൻഷന് ഇന്ന് സമാപനം.

എടത്വ : തലവടി ചൂട്ടുമാലി  സെന്റ് തോമസ് സിഎസ്ഐ ചർച്ചിന്റെ   ബൈബിൾ കൺവൻഷൻ ഇന്ന് സമാപിക്കും.

മൂന്ന്  ദിവസം നീണ്ട്  നിന്ന കൺവൻഷൻ ഇടവക വികാരി റവ മാത്യൂ പി.ജോർജ് ഉദ്ഘാടനം ചെയ്തു. പന്നിമറ്റം  സെന്റ് ആൻഡ്രൂസ്  സിഎസ്ഐ  ചർച്ച്  വികാരി റവ.സജി കെ സാം,സിഎസ്ഐ മലയോര  മിഷൻ  മിഷണറി സുവിശേഷകൻ  മജു  കെ സോളമൻ ദൈവ വചനം ശുശ്രൂഷിച്ചു.ഇന്ന് നിരണം  സെന്റ് തോമസ് മാർത്തോമ്മാ ചർച്ച്   വികാരി റവ  ചാർലി ജോൺസ്  പ്രസംഗിക്കും.

സുവിശേഷകന്മാരായ ഡേവിഡ് ജോൺ, സിജി മാത്യു, ഡെന്നീസ്  എന്നിവർ മധ്യസ്ഥത പ്രാർത്ഥനയ്ക്ക് നേതൃത്വം നല്‍കി. 

റോയി ജോർജ്ജ് ഏബ്രഹാം ,അജി ജോർജ്ജ് എന്നിവരുടെ നേതൃത്വത്തിലുള്ള സംഗീത ശുശ്രൂഷയോടു  കൂടിയാണ് യോഗങ്ങൾ ആരംഭിക്കുന്നത്.

സഭാ ശുശ്രൂഷകൻ  ലിജിൻ മാത്യൂ ജോസ് , കൈകാരൻ  ജോർജ്ജ് തോമസ്, സെക്രട്ടറി പിഎം  മാത്യു എന്നിവർ ക്രമീകരണങ്ങൾക്ക് നേതൃത്വം നല്‍കി.

✒️ഡോ.ജോൺസൺ വി ഇടിക്കുള.