കേന്ദ്ര ആഭ്യന്തര മന്ത്രിയുടെ ദക്ഷതാ പദക് 2026 പുരസ്കാരത്തിന് വളാഞ്ചേരി എസ്.എച്ച്.ഒ കെ.ആർ. രഞ്ജിത്ത് അർഹനായി

മലപ്പുറം: കുറ്റാന്വേഷണ മികവിനുള്ള കേന്ദ്ര ആഭ്യന്തര മന്ത്രിയുടെ ‘കേന്ദ്രിയ ഗൃഹമന്ത്രി ദക്ഷതാ പദക് 2026’ പുരസ്കാരത്തിന് വളാഞ്ചേരി സ്റ്റേഷൻ ഹൗസ് ഓഫീസർ (എസ്.എച്ച്.ഒ) കെ.ആർ. രഞ്ജിത്ത് അർഹനായി. മലപ്പുറം ജില്ലയിലെ കാടാമ്പുഴയിൽ താമസക്കാരനായ രഞ്ജിത് നിലവിൽ വളാഞ്ചേരി പൊലീസ് സ്റ്റേഷനിലെ എസ്.എച്ച്.ഒ ആയി സേവനമനുഷ്ഠിക്കുകയാണ്.

കുറ്റാന്വേഷണ രംഗത്തെ മികവിനും മികച്ച അന്വേഷണ പ്രവർത്തനങ്ങൾക്കുമുള്ള ദേശീയ അംഗീകാരമാണ് കേന്ദ്ര ആഭ്യന്തര മന്ത്രാലയം നൽകുന്ന ദക്ഷതാ പദക്. കുറ്റകൃത്യങ്ങളുടെ അന്വേഷണത്തിൽ മികവ് തെളിയിക്കുന്ന പൊലീസ് ഉദ്യോഗസ്ഥരുടെ പ്രവർത്തനങ്ങളെ അംഗീകരിക്കുകയും ശാസ്ത്രീയ അന്വേഷണ രീതികൾ പ്രോത്സാഹിപ്പിക്കുകയും ചെയ്യുന്നതിന്റെ ഭാഗമായാണ് പുരസ്കാരം നൽകുന്നത്.

2026-ലെ പുരസ്കാരത്തിന് അർഹനായതോടെ കാടാമ്പുഴ സ്വദേശിയായ രഞ്ജിത്തിന്റെ നേട്ടം നാടിനും അഭിമാനമായി. നിലവിൽ വളാഞ്ചേരി എസ്.എച്ച്.ഒ ആയി സേവനമനുഷ്ഠിക്കുന്ന രഞ്ജിത്തിന് ലഭിച്ച ദേശീയ അംഗീകാരം മലപ്പുറം ജില്ലയിലെ പൊലീസ് സേനയ്ക്കും അഭിമാനകരമാണ്.