സ്ത്രീകളുടെ വിവാഹപ്രായം 18ൽ നിന്ന് 21 വയസായി ഉയർത്താനുള്ള ബില്ലിന് കേന്ദ്ര മന്ത്രിസഭയുടെ അംഗീകാരം. പെൺകുട്ടികളുടെ വിവാഹപ്രായം ഉയർത്തുമെന്ന് 2020ലെ സ്വാതന്ത്ര്യദിന പ്രസംഗത്തിൽ പ്രധാനമന്ത്രി നരേന്ദ്രമോദി വ്യക്തമാക്കി ഒരു വർഷത്തിന് ശേഷമാണ് നിർണായ നീക്കം കേന്ദ്ര സർക്കാരിൻ്റെ ഭാഗത്ത് നിന്നുമുണ്ടായത്.. ഈ നടപ്പ് സമ്മേളനത്തില് തന്നെ ബില് പാര്ലമെന്റില് കൊണ്ടുവരുമെന്നാണ് വിവരം.
കാബിനറ്റിന്റെ അംഗീകാരത്തെത്തുടര്ന്ന്, 2006ലെ ശൈശവ വിവാഹ നിരോധന നിയമത്തില് സര്ക്കാര് ഭേദഗതി കൊണ്ടുവരുമെന്നും സ്പെഷ്യല് മാര്യേജ് ആക്ട് 1955ലെ ഹിന്ദു വിവാഹ നിയമം പോലുള്ള വ്യക്തിനിയമങ്ങളിലും ഭേദഗതി കൊണ്ടുവരുമെന്നും വൃത്തങ്ങള് സൂചിപ്പിക്കുന്നു.
2020 ഡിസംബറില് ജയ ജയ്റ്റ്ലി അധ്യക്ഷനായ സമിതി നീതി ആയോഗിന് ഒരു റിപ്പോര്ട്ട് സമര്പ്പിച്ചിരുന്നു. ഈ റിപ്പോര്ട്ടില് വിദ്യാഭ്യാസ സ്ഥാപനങ്ങളില് സ്ത്രീശാക്തീകരണം ശരിയായി നടപ്പിലാക്കുക, ബാധവത്കരണം നടത്തുക, ലൈംഗികവിദ്യാഭ്യാസം സ്കൂള് കരിക്കുലത്തില് ഉള്പ്പെടുത്തണം തുടങ്ങിയ നിര്ദേശങ്ങള് ഉള്ക്കൊള്ളിച്ചിരുന്നു. പെണ്കുട്ടികള് ജോലി കണ്ടെത്തിയ ശേഷം വിവാഹം കഴിക്കുക എന്ന രീതി നടപ്പാക്കാനായി വിവാഹപ്രായം കൂട്ടണമെന്നും ഈ സമിതി നിര്ദേശം നല്കിയിരുന്നു.
0 Comments