ശ്രീനാഥ് ഭാസി ഇന്ന് പൊലീസിന് മുന്നില്‍ ഹാജരാകില്ല

കൊച്ചി: മാധ്യമപ്രവർത്തകയോട് അപമര്യാദയായി പെരുമാറിയെന്ന കേസിൽ നടൻ ശ്രീനാഥ് ഭാസി ഇന്ന് കോടതിയിൽ ഹാജരാകില്ല. കുറച്ച് സമയം കൂടി നൽകണമെന്നാണ് താരത്തിന്‍റെ ആവശ്യം. എന്നാൽ നാളെ ഹാജരാകാൻ പൊലീസ് നിർദേശിച്ചു. സ്ത്രീത്വത്തെ അപമാനിച്ചുവെന്നാണ് നടനെതിരെയുള്ള കേസ്. ഒരു ഓൺലൈൻ ചാനലിലെ അവതാരകയാണ് ശ്രീനാഥ് ഭാസിക്കെതിരെ പരാതി നൽകിയത്. അഭിമുഖത്തിനിടെ അപമര്യാദയായി പെരുമാറിയെന്നാണ് പരാതി. മരട് പൊലീസിലാണ് പരാതി നൽകിയത്. സിനിമയുടെ പ്രമോഷന്‍റെ ഭാഗമായുള്ള ഒരു അഭിമുഖത്തിനിടെയായിരോന്നു സംഭവം. പൊലീസിന് പുറമെ വനിതാ കമ്മീഷനും അവതാരക പരാതി നൽകിയിരുന്നു.