നെടുമുടി - ചമ്പക്കുളം ഗ്രാമപഞ്ചായത്തുകളെ തമ്മിൽ ബന്ധിപ്പിക്കുന്ന കോതറത്തോട് പാലം നിർമ്മാണത്തിന് 26.3 കോടി രൂപയുടെ ഭരണാനുമതി

കുട്ടനാട് : നെടുമുടി -ചമ്പക്കുളം ഗ്രാമപഞ്ചായത്തുകളെ തമ്മിൽ ബന്ധിപ്പിക്കുന്ന കോതറത്തോട് പാലം നിർമ്മാണത്തിന് 26.3 കോടി രൂപയുടെ ഭരണാനുമതി ലഭിച്ചതായി തോമസ് കെ തോമസ് എംഎൽഎ അറിയിച്ചു.265 മീറ്റർ നീളമുള്ള പാലത്തിന് 26 മീറ്റർ നീളമുള്ള 3 സ്പാനുകളും 12.50 മീറ്റർ നീളമുള്ള 15 പാനുകളും 7.50 മീറ്റർ ക്യാരേജ് വെയും 1.50 മീറ്റർ വീതിയിൽ ഇരുവശത്തും നടപ്പാത ഉൾപ്പെടെ 11 മീറ്റർ വീതിയിലുമാണ് പാലം നിർമ്മിക്കുക. പൊതുമരാമത്ത് പാലം വിഭാഗത്തിൻ്റെ മേൽനോട്ടത്തിലാകും നിർമ്മാണം. സ്ഥലം ഏറ്റെടുക്കൽ പൂർത്തിയാക്കി ടെൻഡർ നടപടികൾ വേഗത്തിലാക്കുവാൻ ബന്ധപ്പെട്ടവർക്ക്  കർശന നിർദ്ദേശം നൽകിയതായും തോമസ് കെ തോമസ് എം.എൽ.എ അറിയിച്ചു.