ചോറും മീനും കുറ്റിപ്പുറത്ത് – രുചിയുടെ പുതിയ വിലാസം ശ്രദ്ധേയമാകുന്നു

ചോറും മീനും കുറ്റിപ്പുറത്ത് – രുചിയുടെ പുതിയ വിലാസം ശ്രദ്ധേയമാകുന്നു വികസന മുരടിപ്പ് നിലനിൽക്കുന്ന കുറ്റിപ്പുറത്തിന് ഉണർവേകുന്ന സംരംഭം കുറ്റിപ്പുറം: നാട്ടിൻപുറത്തിന്റെ തനിമയും നാടൻ രുചിയും ഒത്തുചേർന്ന് പുതുമയാർന്ന ഭക്ഷണാനുഭവം പകരുന്ന 'ചോറും മീനും' കുറ്റിപ്പുറത്ത് പ്രവർത്തനം ആരംഭിച്ച് ശ്രദ്ധ നേടുന്നു. കുടുംബങ്ങൾക്കായി സൗഹൃദപരവും ശാന്തവുമായ അന്തരീക്ഷത്തിൽ ആരോഗ്യകരമായ ഭക്ഷണം ലഭ്യമാക്കുക എന്ന ലക്ഷ്യത്തോടെയാണ് ഹോട്ടൽ ആരംഭിച്ചിരിക്കുന്നത്. കുറ്റിപ്പുറം–തിരൂർ റോഡിലെ ചെമ്പിക്കലിലാണ് ഈ ഭക്ഷണശാല സ്ഥിതി ചെയ്യുന്നത്. നാടൻ മീൻ കറികളും, വിഭവസമൃദ്ധമായ വീട്ടുചോറുകളും, നാട്ടിൻപുറത്തിന്റെ മണമുണർത്തുന്ന വിഭവങ്ങളും ഇവിടെ ലഭ്യമാണ്. മീനിന്റെ നാടൻ കറി, കുറുമ, പൊരിച്ച മീൻ, മാമ്പഴ പുളിശ്ശേരി, തേങ്ങാപ്പാലിൽ പാകം ചെയ്ത പ്രത്യേക കറികൾ എന്നിവയാണ് പ്രധാന ആകർഷണം. ചോറിനൊപ്പം വീട്ടുസ്വാദുള്ള സൈഡ് ഡിഷുകളും ലഭ്യമാണ്. ഭാരതപ്പുഴയുടെ ഇളം കാറ്റും സമീപം നീളുന്ന ട്രെയിൻ പാതയുടെ കാഴ്ചയും ചേർന്ന് ഭക്ഷണാനുഭവത്തിന് വേറിട്ട ഭംഗി പകരുന്നു. ഭക്ഷണത്തിന്റെ ഗുണമേന്മയോടൊപ്പം സേവനത്തിലും ഹോട്ടൽ ഏറെ ശ്രദ്ധ പുലർത്തുന്നു. 50 വനിതകളും 50 പുരുഷന്മാരുമടങ്ങിയ 100 പേർ ഇവിടെ ജോലി ചെയ്യുന്നു എന്നത് ഈ സ്ഥാപനത്തിന്റെ സാമൂഹിക പ്രതിബദ്ധതയുടെ തെളിവാണ്. തൊഴിലവസര സൃഷ്ടിയിലൂടെ പ്രദേശവാസികൾക്കും സാമ്പത്തിക സഹായമാകുന്ന മാതൃകാ സംരംഭം കൂടിയാണ് 'ചോറും മീനും'. വില താങ്ങാനാവുന്നതും രുചി മധുരവുമായതിനാൽ "കഴിച്ചവർ വീണ്ടും വരും" എന്ന ആത്മവിശ്വാസത്തോടെയാണ് ഹോട്ടൽ മുന്നേറുന്നത്. മനസിനും വയറിനും തൃപ്തി ലഭിക്കുന്ന ഈ സ്ഥലത്ത് ഭക്ഷണം കഴിച്ചവർ പുറപ്പെടും മുമ്പ് മണിയടിച്ച് നന്ദി അറിയിക്കുന്നതും പതിവായി മാറിയിരിക്കുന്നു. കുറ്റിപ്പുറത്ത് നാട്ടിൻപുറത്തിന്റെ രുചിയെ തേടിപ്പോകുന്നവർക്ക് പുതിയ അനുഭവവും രുചിയുടെ പുത്തൻ വിലാസവുമാണ് 'ചോറും മീനും'. – ന്യൂസ് ഡെസ്ക്, മലയാളം ടെലിവിഷൻ