സംഭവം നവംബർ 26-ന് വൈകിട്ട് ആറുമണിയോടെ ആയിരുന്നു . കോട്ടക്കൽ പൊലീസ് സ്റ്റേഷനിൽ പാറാവ് ഡ്യൂട്ടിയിലുണ്ടായിരുന്ന പരാതിക്കാരൻ ഡ്യൂട്ടി നിർവഹിക്കുകയായിരുന്ന സമയത്ത് 9656100007 എന്ന നമ്പറിൽ നിന്നുള്ള കോളാണ് സ്റ്റേഷൻ ലാൻഡ്‌ഫോണിൽ ലഭിച്ചത്. സ്വന്തം പേരിൽ ഒരു മന്ത്രിയുടെ ഓഫീസിൽ നിന്നുള്ള ആളാണെന്ന് പരിചയപ്പെടുത്തി പ്രതി വിവിധ ഔദ്യോഗിക കാര്യങ്ങൾ പറയുകയും, സ്റ്റേഷനിലെ പ്രവർത്തനങ്ങളെക്കുറിച്ച് വ്യാജനിർദ്ദേശങ്ങൾ നൽകാൻ ശ്രമിക്കുകയും ചെയ്തതായി പൊലീസ് അറിയിച്ചു.
ഫോണിലെ സംസാരത്തിനിടയിൽ പ്രതിയുടെ പെരുമാറ്റവും സംസാരശൈലിയും സംശയാസ്പദമാണെന്ന് മനസ്സിലാക്കിയ ഉദ്യോഗസ്ഥർ വിവരങ്ങൾ രഹസ്യമായി ശേഖരിച്ചു. തുടർന്ന് നടത്തിയ അന്വേഷണം വഴിയാണ് പ്രതി കോട്ടക്കൽ സ്വദേശിയായ സനൂപാണെന്നു കണ്ടെത്തിയത്.
തുടർന്ന് കോട്ടക്കൽ പൊലീസിന്റെ സംഘം – SHO ദീപകുമാർ, SI റിഷാദ് അലി നെച്ചിക്കാടൻ എന്നിവരുടെ നേതൃത്വത്തിൽ നടത്തിയ തിരച്ചിലിലാണ് പ്രതി താമസ സ്ഥലത്ത് നിന്ന് പിടിയിലായത്. ഇയാൾക്കെതിരെ ബന്ധപ്പെട്ട വകുപ്പുകൾ പ്രകാരം കേസ് രജിസ്റ്റർ ചെയ്തു.
സംഭവവുമായി ബന്ധപ്പെട്ട അന്വേഷണം പുരോഗമിക്കുകയാണ്.
0 Comments