തലവടി സിഎംഎസ് ഹൈസ്ക്കൂൾ പൂർവ വിദ്യാർത്ഥി സംഘടനയുടെ നേതൃത്വത്തിൽ പുതുവത്സര സംഗമവും ആദരിക്കൽ ചടങ്ങും

എടത്വാ :തലവടി സിഎംഎസ് ഹൈസ്ക്കൂൾ പൂർവ വിദ്യാർത്ഥി സംഘടനയുടെ നേതൃത്വത്തിൽ പുതുവത്സര സംഗമവും ആദരിക്കൽ ചടങ്ങും  പ്രസിഡന്റ് റവ.മാത്യു പി.ജോർജ്ജ്  ഉദ്ഘാടനം ചെയ്തു .റവ.  തോമസ് നോർട്ടൻ നഗറിൽ നടന്ന ചടങ്ങിൽ പ്രധാന അധ്യാപകൻ റെജിൽ സാം മാത്യു അധ്യക്ഷത വഹിച്ചു.ചടങ്ങിന് മുന്നോടിയായി പൂർവ്വ വിദ്യാർത്ഥിയും അധ്യാപികയുമായ സൂസമ്മ ഉമ്മൻ സംഘടന പതാക ഉയര്‍ത്തി.

എക്സിക്യൂട്ടീവ് അംഗം സുചീന്ദ്ര ബാബു മുഖ്യ സന്ദേശം നല്കി.80 വയസ്സ് പൂർത്തിയാക്കിയ പൂർവ്വ വിദ്യാർത്ഥികളെ  ലൈബ്രറി കൗണ്‍സില്‍ കുട്ടനാട് താലൂക്ക്  ജോ.സെക്രട്ടറി അഡ്വ. ഐസക്ക് രാജു ആദരിച്ചു.പുതുവർഷ പ്രവർത്തന പദ്ധതി രേഖ  കൺവീനർ മാത്യു പ്രദീപ് ജോസഫ് പ്രകാശനം ചെയ്തു.പൂർവ്വ വിദ്യാർത്ഥിയായ മുതിർന്ന അംഗം കെ സി. ചാക്കോ  കേക്ക്  മുറിച്ചു.ജനറൽ സെക്രട്ടറി ഡോ.ജോൺസൺ വി ഇടിക്കുള , ട്രഷറാർ എബി മാത്യു ചോളകത്ത്, ജിബി ഈപ്പൻ വാലയിൽ, വർഗ്ഗീസ്  ഏബ്രഹാം കോക്കോത്ത് ,എം സി.തോമസ് മണക്ക്,ടി. സി.ജോൺ,സി.ഐ വർക്കി,മറിയാമ്മ ജോൺ, കെ ജോർജ്ജ് തോമസ് , ജോണി ഉമ്മൻ, പി. ഐ ചാക്കോ ,നിഷ ഈപ്പൻ  എന്നിവർ പ്രസംഗിച്ചു.

 1841ൽ സ്ഥാപിതമായ തലവടി കുന്തിരിക്കല്‍  സിഎംഎസ്  സ്ക്കൂളിലെ പൂർവ്വ വിദ്യാർത്ഥി സംഘടനയുടെ നേതൃത്വത്തില്‍  നിരവധി കർമ്മ പരിപാടികൾ നടത്തി വരുന്നു.