വളാഞ്ചേരിയിൽ MX വെഡിങ് സെന്റർ ഫെബ്രുവരി 5-ന് ഉദ്ഘാടനം ചെയ്യും

വളാഞ്ചേരി: വളാഞ്ചേരി–കോഴിക്കോട് റോഡിൽ ആധുനിക സൗകര്യങ്ങളോടുകൂടിയ MX വെഡിങ് സെന്റർ 2026 ഫെബ്രുവരി 5-ന് വ്യാഴാഴ്ച രാവിലെ 10.30-ന് നാടിന് സമർപ്പിക്കും. പാണക്കാട് മുനവ്വറലി ശിഹാബ് തങ്ങൾ ഉദ്ഘാടന കർമ്മം നിർവഹിക്കും.

വിവാഹവും അനുബന്ധ ആഘോഷങ്ങളും ഒരേ ഇടത്തിൽ സമ്പൂർണമായി ഒരുക്കാൻ കഴിയുന്ന രീതിയിലാണ് സെന്റർ രൂപകൽപ്പന ചെയ്തിരിക്കുന്നത്. 20000 സ്‌ക്വയർ ഫീറ്റ് വിസ്തൃതിയിൽ മൂന്ന് നിലകളിലായി നിർമിച്ചിരിക്കുന്ന ഈ വെഡിങ് സെന്റർ വിശാലമായ പാർക്കിങ് സൗകര്യത്തോടെയാണ് പ്രവർത്തനം ആരംഭിക്കുന്നത്.

വിവാഹ വസ്ത്രങ്ങൾ, റെഡി മേഡ് വസ്ത്രങ്ങൾ, ആഭരണങ്ങൾ, വിവാഹ അലങ്കാര സാമഗ്രികൾ, മറ്റ് അനുബന്ധ ആവശ്യങ്ങൾ എന്നിവ ഒരേ കുടക്കീഴിൽ ലഭ്യമാകുന്ന വിധത്തിലാണ് ക്രമീകരണം. ഗുണനിലവാരത്തിലും ഡിസൈനിലും വൈവിധ്യമാർന്ന ശേഖരം ഉപഭോക്താക്കൾക്ക് ഒരുക്കിയിട്ടുണ്ടെന്ന് മാനേജ്മെന്റ് അറിയിച്ചു.

വളാഞ്ചേരി നഗരത്തിന്റെ വ്യാപാര മേഖലക്ക് പുതിയ ഉണർവായി മാറുന്ന ഈ സ്ഥാപനം, പ്രദേശവാസികൾക്കും സമീപ പ്രദേശങ്ങളിൽ നിന്നുള്ള ഉപഭോക്താക്കൾക്കും മികച്ച ഷോപ്പിംഗ് അനുഭവം നൽകുമെന്ന് പ്രതീക്ഷിക്കുന്നു. ഉദ്ഘാടനത്തോടനുബന്ധിച്ച് പ്രത്യേക ഓഫറുകളും ആകർഷകമായ പദ്ധതികളും ഒരുക്കുമെന്ന് അധികൃതർ വ്യക്തമാക്കി.