ദേവസ്വം ഡയാലിസിസ് സെന്റർ പരിസരത്ത് നടന്ന ചടങ്ങ് ദേവസ്വം എക്സിക്യൂട്ടീവ് ഓഫീസർ എസ്. രഞ്ജൻ ഉദ്ഘാടനം ചെയ്തു. പ്രകൃതി സംരക്ഷണവും വൃക്ഷവൽക്കരണവും കാലഘട്ടത്തിന്റെ അനിവാര്യതയാണെന്നും വരുംതലമുറയ്ക്ക് ആരോഗ്യകരമായ പരിസ്ഥിതി സമ്മാനിക്കുന്നതിന് എല്ലാവരും കൂട്ടായ പരിശ്രമം നടത്തണമെന്നും അദ്ദേഹം പറഞ്ഞു.
ദേവസ്വം മാനേജർ കെ. ഉണ്ണികൃഷ്ണൻ അധ്യക്ഷത വഹിച്ചു. ക്ഷേത്രം സൂപ്രണ്ട് പി.പി. മീര, ദേവസ്വം എഞ്ചിനീയർ കെ. വിജയകൃഷ്ണൻ, ഹെഡ് ക്ലാർക്ക് പി. വിജയൻ എന്നിവർ ചടങ്ങിൽ സംസാരിച്ചു. പരിസ്ഥിതി സംരക്ഷണത്തിന്റെ പ്രാധാന്യവും ഹരിതാഭമായ ഭൂമിക്കായി ഓരോരുത്തരും വൃക്ഷതൈകൾ നട്ടുപിടിപ്പിക്കേണ്ടതിന്റെ ആവശ്യകതയും അവർ ചൂണ്ടിക്കാട്ടി.
ദേവാരണ്യം പദ്ധതിയുടെ ഭാഗമായി ക്ഷേത്ര പരിസരത്തും അനുബന്ധ സ്ഥാപനങ്ങളുടെയും പരിസരങ്ങളിലുമായി വിവിധ ഇനം വൃക്ഷതൈകൾ നട്ടുപിടിപ്പിച്ചു. ക്ഷേത്ര ജീവനക്കാരും ഭക്തജനങ്ങളും ചടങ്ങിൽ പങ്കെടുത്ത് വൃക്ഷതൈ നടലിൽ സഹകരിച്ചു.
മലബാർ ദേവസ്വം ബോർഡിന്റെ പരിസ്ഥിതി സംരക്ഷണ പ്രവർത്തനങ്ങളുടെ ഭാഗമായുള്ള ദേവാരണ്യം പദ്ധതി ഹരിതകേരള സൃഷ്ടിയിലേക്കുള്ള ശ്രദ്ധേയമായ ചുവടുവെയ്പ്പാണെന്ന് ചടങ്ങിൽ പങ്കെടുത്തവർ അഭിപ്രായപ്പെട്ടു.
0 Comments