വീഴ്ചയില് നട്ടെല്ലിന് ഗുരുതരമായി പരിക്കേറ്റ മാലിദ്വീപ് സ്വദേശിയായ 33 വയസ്സുകാരന് കോട്ടക്കല് ആസ്റ്റര് മിംസില് പെല്ഡ് ശസ്ത്രക്രിയയിലൂടെ അതിവേഗ സുഖപ്രാപ്തി. മാലി സ്വദേശിയായ അഹമ്മദ് ഉമൈര് മുഹമ്മദ് ഷാക്കിർ 2011ലാണ് വീഴ്ചയെ തുടര്ന്ന് നട്ടെല്ലിന് ഗുരുതരമായി പരിക്കേറ്റത്. വിദഗ്ദ്ധ പരിശോധനയില് ഡിസ്ക് തള്ളിയിരിക്കുന്നു എന്ന് മനസ്സിലാവുകയും ശസ്ത്രക്രിയ മാത്രമാണ് പ്രതിവിധി എന്ന് ഡോക്ടര്മാര് നിര്ദ്ദേശിക്കുകയും ചെയ്തു. തുടര്ന്ന് മാലിയില് വെച്ച് തന്നെ സങ്കീര്ണ്ണമായ ഓപ്പണ് ശസ്ത്രക്രിയ നിര്വ്വഹിക്കുകയായിരുന്നു.
ശസ്ത്രക്രിയയെ തുടര്ന്ന് വേദന ശമിച്ചെങ്കിലും കുറച്ച് കാലത്തിന് ശേഷം വേദന തിരികെ വരികയും കാലക്രമേണ അധികരിക്കുകയും ചെയ്തു. മരുന്നുകളിലൂടെയും മറ്റും വേദന നിയന്ത്രിക്കാന് ശ്രമിച്ചെങ്കിലും ശമനമില്ലാതെ തുടരുകയായിരുന്നു. ക്രമേണ വേദന അധികരിക്കുകയും അഞ്ച് മിനിട്ട് തുടര്ച്ചയായി നില്ക്കുവാനോ ഇരിക്കുവാനോ മലര്ന്ന് കിടക്കുവാനോ സാധിക്കാത്ത അവസ്ഥയിലെത്തുകയും ചെയ്തു. കമിഴ്ന്നുകിടന്നാല് മാത്രമായിരുന്നു വേദനയ്ക്ക് അല്പ്പമെങ്കിലും ശമനം അനുഭവപ്പെട്ടത്. തുടര്ന്ന് വീണ്ടും എം ആര് ഐ പരിശോധ നിര്വ്വഹിക്കുകയും നേരത്തെ പരിക്ക് പറ്റിയ ഭാഗത്ത് അതേ അവസ്ഥ വീണ്ടും സംജാതമായിരിക്കുന്നു എന്ന് മനസ്സിലാക്കുകയും ചെയ്തു. ഒരിക്കല് കൂടി തുറന്നുള്ള ശസ്ത്രക്രിയ ആവര്ത്തിക്കുക മാത്രമാണ് പ്രതിവിധി എന്ന് ഡോക്ടര്മാര് വിലയിരുത്തി.
ഈ സാഹചര്യത്തിലാണ് അഹമ്മദ് ഉമൈര് മുഹമ്മദ് ഷാക്കിർ കോട്ടക്കല് ആസ്റ്റര് മിംസിലെ സീനിയര് കണ്സല്ട്ടന്റ് ഓര്ത്തോപീഡിക് സര്ജന് ഡോ. ഫൈസല് എം ഇഖ്ബാലുമായി ബന്ധപ്പെടുന്നത്. തുടര്ന്ന് ചികിത്സാ രേഖകള് ഡോക്ടര് ഫൈസല് എം ഇഖ്ബാലിന് അയച്ചുകൊടുക്കുകയും വിശദമായ വിലയിരുത്തലില് ഓപ്പണ് ശസ്ത്രക്രിയ നിര്വ്വഹിക്കാതെ, പെല്ഡ് എന്ന രീതി അവലംബിച്ച് കീഹോള് സര്ജറിയിലൂടെ നട്ടെല്ലിന്റെ അസുഖം ഭേദമാക്കാന് സാധിക്കുമെന്ന് ഡോക്ടര് മനസ്സിലാക്കുകയും ചെയ്തു. കേരളത്തില് പെല്ഡ് നിര്വ്വഹിക്കുന്ന അപൂര്വ്വം വിദഗ്ദ്ധരില് ഒരാള് കൂടിയാണ് ഡോ. ഫൈസല് എം ഇഖ്ബാല്.
അഹമ്മദ് ഉമൈര് മുഹമ്മദ് ഷാക്കിർ കോട്ടക്കല് മിംസിലെത്തുകയും ഒരിക്കല് കൂടി എം ആര് ഐ നിര്വ്വഹിക്കുകയും അടുത്ത ദിവസം തന്നെ ശസ്ത്രക്രിയയ്ക്ക് വിധേയനാക്കുകയുമായിരുന്നു. പൂര്ണ്ണമായും ബോധം കെടുത്താതെ രോഗിയോട് സംസാരിച്ചുകൊണ്ട് തന്നെയാണ് പെല്ഡ് നിര്വ്വഹിക്കുക. അതുകൊണ്ട് തന്നെ ഏതെങ്കിലും തരത്തിലുള്ള അസ്വസ്ഥതകള് രോഗിക്ക് അനുഭവപ്പെടുകയാണെങ്കില് ഉടന് തന്നെ അവ പരിഹരിക്കാനും സാധിക്കും. പെല്ഡ് പൂര്ത്തീകരിച്ച് മണിക്കൂറുകള്ക്കകം തന്നെ രോഗി നടന്ന് തുടങ്ങുകയും അതിവേഗം തന്നെ സാധാരണ ജീവിതത്തിലേക്ക് തിരിച്ച് വരുകയും ചെയ്തു.
ഈ ശസ്ത്രക്രിയ കുറിച്ച് കൂടുതൽ അറിയുവാൻ വിളിക്കൂ: +919656000629
; മാലിദ്വീപ് പൗരന് അതിവേഗ സുഖപ്രാപ്തി.){kind=link}
0 Comments