വാർഡ് 17 ൽ നിന്ന് മത്സരിച്ച റിയ ഗോപി, ജനപിന്തുണയും കാര്യക്ഷമമായ പ്രവർത്തന പരിചയവും മുൻനിർത്തിയാണ് ചെയർപേഴ്സൺ സ്ഥാനത്തേക്ക് എത്തിയത്. ആരോഗ്യ–വിദ്യാഭ്യാസ മേഖലകളിൽ ഗുണമേന്മയുള്ള സേവനങ്ങൾ ഉറപ്പാക്കുന്നതിനും, പൊതുജനാരോഗ്യ സംരക്ഷണം ശക്തിപ്പെടുത്തുന്നതിനും, വിദ്യാഭ്യാസ സ്ഥാപനങ്ങളുടെ അടിസ്ഥാന സൗകര്യ വികസനത്തിനും മുൻഗണന നൽകുമെന്ന് റിയ ഗോപി പറഞ്ഞു.
ഗ്രാമപഞ്ചായത്തിന്റ സമഗ്ര വികസനത്തിൽ ആരോഗ്യ–വിദ്യാഭ്യാസ മേഖലകൾ നിർണായകമാണെന്നും, ജനങ്ങളുടെ സഹകരണത്തോടെ പദ്ധതികൾ നടപ്പാക്കുമെന്നും അവർ അറിയിച്ചു. തിരഞ്ഞെടുപ്പിന് ശേഷം പഞ്ചായത്ത് അംഗങ്ങളും പ്രവർത്തകരും നാട്ടുകാരും റിയ ഗോപിയെ അഭിനന്ദിച്ചു.
പുതിയ ചെയർപേഴ്സൺ സ്ഥാനമേറ്റെടുക്കുന്നതോടെ ഇരുമ്പ്ലിയം ഗ്രാമപഞ്ചായത്തിലെ ആരോഗ്യ–വിദ്യാഭ്യാസ പ്രവർത്തനങ്ങൾക്ക് കൂടുതൽ ഊർജം ലഭിക്കുമെന്ന് പഞ്ചായത്ത് നേതൃത്വം പ്രതീക്ഷ പ്രകടിപ്പിച്ചു.
0 Comments