അയ്യപ്പനോവ് ട്രയാംഗിൾ ഓഡിറ്റോറിയത്തിൽ വെച്ചായിരുന്നു പരിപാടി സംഘടിപ്പിച്ചത്.
ഗ്രാമപഞ്ചായത്ത് പ്രസിഡന്റ് കെ.ടി. ആസാദ് പരിപാടിയുടെ ഔദ്യോഗിക ഉദ്ഘാടനം നിർവഹിച്ചു. വിദ്യാർത്ഥികളുടെ കഠിനാധ്വാനത്തിന്റെയും രക്ഷിതാക്കളുടെയും അധ്യാപകരുടെയും നിരന്തരമായ പിന്തുണയുടെയും ഫലമായാണ് ഈ ഉജ്ജ്വല നേട്ടമെന്ന് അദ്ദേഹം അഭിപ്രായപ്പെട്ടു. ഭാവിയിലും കൂടുതൽ ഉയരങ്ങൾ കീഴടക്കാൻ വിദ്യാർത്ഥികൾക്ക് സാധിക്കട്ടെയെന്നും അദ്ദേഹം ആശംസിച്ചു.
വിദ്യാഭ്യാസ രംഗത്ത് മികവ് തെളിയിച്ച പ്രതിഭകളെ ആദരിക്കുന്നതോടൊപ്പം, അവരുടെ വിജയത്തിന് പിന്നിൽ പ്രവർത്തിച്ച രക്ഷിതാക്കളെയും ചടങ്ങിൽ പ്രത്യേകമായി ആദരിച്ചു എന്നത് പരിപാടിയുടെ മാറ്റുകൂട്ടി.
ചടങ്ങിൽ ഗ്രാമപഞ്ചായത്ത് വൈസ് പ്രസിഡന്റ് സാജിത കുന്നക്കാട്ട് അധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ അൻവർ കടലായി സ്വാഗതപ്രസംഗം നടത്തി. വിവിധ രാഷ്ട്രീയ പാർട്ടികളുടെ പ്രതിനിധികൾ, ഗ്രാമപഞ്ചായത്ത് അംഗങ്ങൾ, പി.ടി.എ ഭാരവാഹികൾ, വിവിധ സ്കൂളുകളിലെ പ്രധാനാധ്യാപകർ, കുടുംബശ്രീ അംഗങ്ങൾ തുടങ്ങിയ പ്രമുഖർ ചടങ്ങിൽ സംബന്ധിക്കുകയും വിജയികൾക്ക് ആശംസകൾ നേരുകയും ചെയ്തു. ഗ്രാമപഞ്ചായത്ത് സെക്രട്ടറി മധുസൂദനൻ ചടങ്ങിന് നന്ദി രേഖപ്പെടുത്തി.
0 Comments