പാലക്കാട്: മുട്ടികുളങ്ങര കേരള ആംഡ് പോലീസ് (KAP) രണ്ടാം ബറ്റാലിയനിൽ ഉദ്യോഗസ്ഥർക്കായി സംഘടിപ്പിച്ച പ്രത്യേക ആത്മരക്ഷാ പരിശീലന ക്യാമ്പ് ശ്രദ്ധേയമായി. മുൻ എൻ.എസ്.ജി (NSG) കമാൻഡോയും നിലവിൽ കെ.എ.പി ഡെപ്യൂട്ടി കമാൻഡന്റുമായ ശ്രീജിത്ത് ക്യാമ്പ് ഉദ്ഘാടനം ചെയ്തു.
രാജ്യസുരക്ഷയും തീവ്രവാദ വിരുദ്ധ പ്രവർത്തനങ്ങളിലും സമൃദ്ധമായ അനുഭവസമ്പത്തുള്ള ശ്രീജിത്തിന്റെ സാന്നിധ്യം പരിശീലനത്തിന് ആവേശം കൂട്ടി. കാസർഗോഡ് സ്വദേശിയായ പ്രമുഖ സെൽഫ് ഡിഫൻസ് പരിശീലകൻ ജയകുമാർ ഉദ്യോഗസ്ഥർക്കായി പരിശീലനം നയിച്ചു.
അടിയന്തര സാഹചര്യങ്ങളിൽ സ്വയംരക്ഷ ഉറപ്പാക്കാനും പ്രതികരിക്കാനുമുള്ള ആധുനികവും പ്രായോഗികവുമായ വിദ്യകളാണ് പരിശീലനത്തിലൂടെ കൈമാറിയത്. ശാരീരികക്ഷമതയ്ക്കൊപ്പം മാനസിക ഏകാഗ്രതയും ആത്മവിശ്വാസവും വർദ്ധിപ്പിക്കുന്ന വിവിധ ടെക്നിക്കുകളും ക്യാമ്പിൽ ഉൾപ്പെടുത്തി.
സേവനത്തിനിടെ നേരിടേണ്ടി വരുന്ന വെല്ലുവിളികളെ ഫലപ്രദമായി കൈകാര്യം ചെയ്യാൻ ഇത്തരം പരിശീലനങ്ങൾ ഏറെ സഹായകരമാണെന്ന് പരിശീലകൻ ജയകുമാർ അഭിപ്രായപ്പെട്ടു. ബറ്റാലിയനിലെ ഉന്നത ഉദ്യോഗസ്ഥരും പരിശീലനത്തിൽ പങ്കെടുത്തു.
0 Comments