ഇന്ത്യക്ക് നന്ദിപറഞ്ഞ് ഉക്രൈനില്‍ നിന്ന് രക്ഷപ്പെട്ട പാക് വിദ്യാര്‍ത്ഥിനി

 

ഉക്രൈനില്‍ നിന്ന തന്നെ രക്ഷപ്പെടുത്തിയ ഇന്ത്യന്‍ അധികൃതര്‍ക്ക് നന്ദി അറിയിച്ച് പാകിസ്ഥാന്‍ വിദ്യാര്‍ത്ഥിനി. റഷ്യയും ഉക്രൈനും തമ്മിലുള്ള സംഘര്‍ഷം രൂക്ഷമാകുന്നതിനിടെയാണ് യുദ്ധത്തില്‍ കുടുങ്ങിയ പാകിസ്ഥാന്‍ വിദ്യാര്‍ത്ഥിനി അസ്മ ഷഫീഖിനെ രക്ഷപ്പെടുത്തിയത്. തനിക്ക് നല്‍കിയ പിന്തുണയ്ക്ക് കീവിലെ ഇന്ത്യന്‍ എംബസിക്കും പ്രധാനമന്ത്രി നരേന്ദ്ര മോദിക്കും അസ്മ ഷഫീഖ് നന്ദി പറഞ്ഞു.

രാജ്യത്തിന് പുറത്തേക്കുള്ള ഒഴിപ്പിക്കലിനായി അസ്മയെ പടിഞ്ഞാറന്‍ ഉക്രൈനിലേക്ക് കൊണ്ടു പോവുകയാണെന്ന് അധികൃതര്‍ അറിയിച്ചു.